Módulo marco conceptual. Eva

MARCO CONCEPTUAL

ACTUALIZACIÓN DO MERCADO LABORAL

O mercado de traballo está composto por oferta e demanda de emprego, o seu equilibrio é o que vai marcar ás persoas que están no proceso productivo e a causa do paro.

Os indicadores de mercado segundo a EPA para min son relativos, porque unha persoa que traballou durante unha hora a semana anterior a enquisa non debería ser considerada como ocupada, porque hai moitos casos, sobre todo en algunhas profesións como no SAD estas persoas ó estar consideradas ocupadas non poden beneficiarse dos servizos que son prioritariamente para persoas desempregadas, para mín as persoas que están traballando a tempo parcial deberían ter outro tipo de consideración. O mesmo que as persoas que están inactivas penso que no SPE debería haber unha clasificación para detectar estes casos, para que non estiveran mal gastando recursos que poidan aproveitar as persoas activas.

Entre moitas outras cousas coñecer o mercado de traballo da zona é imprescindible para facer labores de orientación, aínda que moitas veces estamos limitados de tempo para contactar coa rede empresarial e só podemos limitarnos a información de publicacións, en ocasións sesgadas debido a limitación xeográfica e a orixe dos datos. O mesmo que nos novos xacementos de emprego identificados, eu penso que son relativos porque podes telos en conta a nivel global, pero o orientador ten que facer unha labor de investigación localmente, porque dependendo de onde vivas cambian os posibles xacementos. No caso dos perfís profesionais, os observatorios fan un bo traballo que eu utilizo, pero hai moitos que non están publicados nen actualizados e que realmente tes que ti coñecer ás empresas e os seus perfís facendo unha prospección local da rede empresarial, para o cal hai pouco apoio. A clasificación das ocupacións CNO 2011, eu pensó que non están todas recollidas e tampouco de xeito adecuado (porque moitas veces hai ocupacións específicas que poderían estar englobadas dentro doutras), isto conleva que os demandantes de emprego non poidan rexistrarse nas ocupacións que desexan (senón nas máis parecidas) e os ofertantes de emprego solicitan ocupacións con perfís que moitas veces non están codificados polo que a intermediación non é adecuada. Pero a gran asignatura pendente do SPE é a prospección empresarial.

A INICIATIVA EMPRENDEDORA COMO FORMA DE ACCESO Ó MERCADO LABORAL

A orientación tamén ten que ter en conta o emprendemento e a sua evolución, sen esquecer que non temos unha cultura emprendedora, eu penso que a crise fixo que algunhas persoas vexan o emprendemento como unha saída ó desemprego, moitas veces precipitada pola sua situación, isto non leva a conseguir o obxectivo desexado.

As sombras do falso autónomo 

Na actualidade non se fomenta moito o emprendemento a través da educación (aínda que existen algunhas experiencias como o plan de eduemprende), ademáis os trámites e o tempo empregado na xestión inicial, levan a desistir da idea, pero o grande e real problema é a falta de financiamento

 O noso modelo produtivo e educativo levounos a unha calidade do emprego baixa, a nivel político é unha prioridade estratéxica, polo que se ten que traballar de cara a un cambio na educación, a promoción do emprendimento e a motivación persoal. A economía social pode ser unha alternativa acertada, por exemplo para as zonas rurais.

¿Cómo son os emprendedores sociais?

O emprendedor debería ter unhas características persoais e profesionais que non sempre existen e os motivos son diversos.

Capacidade, motivación e valor para emprender

Deberíase valorar as ventaxas e inconvintes de xeito obxectivo.

A idea empresarial para que sexa un éxito ten que ter un valor engadido ademáis de solventar ou crear unha necesidade, unha das primeiras fases é desenvolver minuciosamente un plan de empresa.

Aínda que o orientador debería estar presente en todas as fases da creación de empresa, eu penso que na maioría dos casos a realidade non é esa, pódese estar presente na primeira fase, pero normalmente deríbase a profesionais ou institucións especialistas na materia, o orientador fai en algún caso un acompañamento xeral, sempre tendo en conta as pautas de comportamento do decálogo de actuación mostrado.

ACTUALIZACIÓN DO MARCO DE REFERENCIA DA ORIENTACIÓN LABORAL

O Servizo de emprego público estatal (SEPE) a través da sua organización e estrutura intenta desenvolver as suas competencias e entre elas está “prestar especial atención á coordinación entre as políticas activas de emprego e as prestacións por desemprego”, pódese dicir que na actualidade aínda queda moito que traballar neste senso, posto que hai xestións que se duplican por parte do demandante, incluso a hora de intervir tanto os orientadores como os centros asociados están limitados, cómo no alcance ó acceso e a xestión da información.

  O Servizo Público de Emprego de Galicia (SPEG) xestiona a execución das políticas activas de emprego en Galicia, para iso utiliza a súa propia estrutura e ós centros colaboradores (estes últimos en materia máis ben de orientación laboral, porque a captación e tratamento das ofertas de traballo faise de xeito informal e de maneira indirecta e limitada, igual que a intermediación). SPEG utiliza o SISPE como instrumento técnico de intermediación a nivel nacional.

Os instrumentos de coordinación a nivel europeo é a Estratexia Europea de Emprego 2020 e a nivel nacional son o catálogo de servizos común e a estratexia española de emprego, penso que neste senso Galicia ten que implicarse máis en moitos puntos se quere conseguir os obxectivos previstos, sobre todo no que se refire a eficacia nos servizos ás empresas, porque ten unha relación directa coa inserción efectiva dos traballadores desempregados.

Para saber máis; EPA
                           Instituto Galego de Cualificacións
                           CNO 2011
                           Plan de Emprendemento no sistema educativo de Galicia
                           Confederación Empresarial Española da Economía Social.
                           CIRCE
                           SEPE

                           SPEG

                           Estratexía de Europa de Emprego 2020